AUTOESTIMUA ETA HAURREN MARRAZKIAK

Informazio iturriak: 
GONZÁLEZ PINEDA, Julio. NÚÑEZ PÉREZ J.Carlos. GONZÁLEZ PUMARIEGA, Soledad y GARCÍA GARCÍA, Marta. "Autoconcepto, autoestima y aprendizaje escolar, Vol.9"  Psicothema, 1997. Madrid. 

 

        Lehen Hezkuntzako ikaslea naizenetik, hezkuntza munduko hainbat gauza ikasteaz gain, mundu honen oinarria diren haurren inguruko zenbait gauza ere ikertu eta ulertu ditut. Pasaden urtean, Psikologiaren garapenean landu genuen autoestimua gaian, haurren marrazkiak aztertu genituen. Ikerketa hau blog honen gaiarekiko lotura zuzena dauka, plastikarekin bat doalako.

        Umeentzako marrazkiak egitea sentimenduak, emozioak, bizitzaren ikuspegia... Adierazteko modu bat denez, garrantzi handia dauka. Honetaz aparte, haurraren garapena bultzatzeko bide bat da, bere garapen emozional eta pertsonala ezagutzeko balio zaiolako. Gainera marrazkia ere, umeen emozioen bideratzailea da. Beraz, burmuinarekin lotura duen adierazpen grafikoa dela esan genezake.
        Horregatik haurraren burmuina ezagutzeko marrazkien bidezko test-ak egiten dira. Hala ere, test hauek teknika proiektiboak dira eta horregatik ez dira era isolatuan aztertu behar, hau da, marrazkietan agertu daitezkeen zenbait atal edo adierazpen, momentuan umearen ingurua eragin dion atzeramendu baten ondorioa izan daiteke.

        Jarraian giza gorputzaren test-a azalduko dugu, baliagarria izan daitekeelako zenbait kasutan umeek duten autokontzeptuaz ohartzeko.

        Gizakiaren marrazkia : giza irudiaren marrazkia pertsona baten izaera eta autokontzeptua islatzen du eta marrazkien bitartez azaleratu daitezke umearen autoestimu eta autokontzeptuari buruzko zenbait informazio: ume batek bere inguruarekin nola sentitzen den, ingurura egokitzeko gaitasuna duen, ebaluatzeko irizpide ona duen eta besteekin erlazionatzeko era nolakoa den.
 
        Test honen emaitzak aztertzerakoan kontuan hartu beharko dugu, marrazten dugun bakoitzean egoera eta aldagai desberdinak sartzen direla jokoan.

Hau esanda test-a osatzen dituzten atalik garrantzitsuenak ikusiko ditugu:

1- Burua: umeak errealitatea nola ikusten duen erakusten digu, irudimen eta pentsamenduaren arteko oreka.

2- Lepoa: umea bere inpultsoak kontrolatzeko duen gaitasuna adierazten digu. Beraz marrazki batean leporik ez egotekotan kontrol gutxiko umearen aurrean aurkitzen garela adierazten du.

3- Janzkera: umearen adina eta kulturarekin bat egin behar du.

4- Besoak: umeak inguruan kokatzeko dituen zailtasunak adierazten dizkigu. Alboko irudia aprobetxatuz, ikus dezakegu besoak gorputzarekiko 90ºko angelua osatzen dutela. Beraz esan genezake ume honek egoera guztien erdigunean kokatzea gustuko duela.

5- Eskuak: hauek ez agertzekotan komunikatzeko gaitasun gutxiko adierazle da.

6- Hankak: umea bere inguruan nola ezarrita dagoen adierazten digute. Laburrak badira onespen pertsonal baxuko adierazle da, inhibizio sentimendua ere adierazten digu honek.

7- Oinak: egonkortasun eta ziurtasun pertsonala adierazten dute.

        
         Azken bi atal hauek dira garrantzi gehien dutenak autoestimuaren gaian. Beraz, hauetan gehiago sakonduko dugu:

7 urteko neska baten marrazkia (Andere)

11 urteko mutil baten marrazkia (Iñaki)

         Aurrean ditugun bi marrazkiei begiratuz, hanka eta oin desberdinak ikus ditzakegu. Iñakiren eta Andereren marrazkietan bi trazok osaturiko hankak ikusten ditugu, horrek onespen pertsonalaren seinale izan liteke, hanka sendoen itxura dutelako.
Oinak aztertzen baditugu, bi marrazkietako oinak, antzekoak dira eta egonkortasun pertsonalaren adierazle dira.
Azkenik, aipatzekoa da, Iñakik egindako irudia zoru baten gainean irudikatuta dagoela, Anderek aldiz ez. Andereren marrazkian honez gain, ikus dezakegu
zuhaitza badagoela belarrean, bestalde bere marrazkia ez.  Hori berarengan segurtasun falta duelaren adierazlea izan liteke.

Marrazkiak:  nire lehengusu eta lehengusinak margotutakoak dira.